முதல்வரின் டெல்லி பயணம்: அமித் ஷா மற்றும் நரேந்திர மோடியை சந்திக்கிறார்

டெல்லிக்கு விமானத்தில் முதல்வர் புறப்பட்டு சென்றார். அவருடன் அமைச்சர் ஜெயக்குமார், தமிழக அரசு தலைமைச் செயலாளர் க.சண்முகம், முதலமைச்சரின் செயலாளர்கள் சாய்குமார், செந்தில்குமார் ஆகியோரும் சென்றனர்.

புதுடெல்லிக்கு வருகை தந்த முதல்வரை, டெல்லி விமான நிலையத்தில் புதுடெல்லிக்கான தமிழக அரசின் சிறப்பு பிரதிநிதி திரு.தளவாய் என்.சுந்தரம், நாடாளுமன்ற உறுப்பினர்கள் திரு.K.P.முனுசாமி, திரு.A.நவநீதகிருஷ்ணன், திரு.ஏ.முகமது ஜான், திரு.N.சந்திரசேகரன் ஆகியோர் மலர்கொத்து வழங்கி வரவேற்றனர்.

ஜனவரி மாதம் 18ஆம் தேதி இரவு 7.30 மணியளவில் மத்திய உள்துறை அமைச்சர் அமித்ஷாவின் இல்லத்திற்கு எடப்பாடி பழனிசாமி சென்று, அவரை சந்தித்துப் பேசினார். இந்த சந்திப்பு, சுமார் ஒன்றரை மணி நேரம் நடந்தது.

தமிழகத்தின் வளர்ச்சித்திட்டங்கள் , தமிழக அரசியல் நிலவரங்கள் குறித்தும், வரும் சட்டசபை தேர்தலில் அதிமுக-பாஜகவும் கூட்டணி மற்றும், தேர்தலில் போட்டியிடுவது குறித்தும், தொகுதி பங்கீடு குறித்தும் பற்றியும் இருவரும் விவாதித்தனர்.

மேலும் ஜனவரி மாதம் 19ஆம் தேதி காலை பிரதமர் மோடியை சந்தித்து தமிழகத்தில் பல்வேறு திட்டங்களை தொடங்கி வைக்க வருமாறு பிரதமர் மோடியிடம் முதலமைச்சர் எடப்பாடி பழனிசாமி அழைப்பு விடுக்கிறார்.